ಸಮುದಾಯ ಬಿಇಎಂಎಲ್‍ನಗರ,KGF -ವಿಶ್ವ ರಂಗಭೂಮಿ ದಿನಾಚರಣೆ

ಸಮುದಾಯ ಬಿಇಎಂಎಲ್‍ನಗರ, ಕೆಜಿಎ¥sóï, “ವಿಶ್ವರಂಗಭೂಮಿ ದಿನಾಚರಣೆ” ಯನ್ನು ದಿನಾಂಕ 27.03.2017  sಸೋಮವಾರ  ಬಿಎಂಶ್ರೀ ಭವನದಲ್ಲಿರುವ ಗುಬ್ಬಿವೀರಣ್ಣ ರಂಗಮಂದಿರದಲ್ಲಿ  ನಡೆಸಲಾಯಿತು.  

ಕಾರ್ಯಕ್ರಮದಲ್ಲಿ ಅತಿಥಿಗಳಾಗಿ ಭಾಗವಹಿಸಿ ಈ ಬಾರಿ ಸನ್ಮಾನಕ್ಕೆ ಪಾತ್ರರಾದ ಹಿರಿಯ ರಂಗಕರ್ಮಿ ಹಾಗೂ ಸಮುದಾಯ ಕೆಜಿಎ¥sóï ಘಟಕದ ಸಂಸ್ಥಾಪಕ ಸಂಚಾಲಕರಾಗಿದ್ದ ಶ್ರೀ ಎಸ್.ಕೃಷ್ಣಮೂರ್ತಿ (ಕಿಟ್ಟಿ ಎಂದೇ ಪ್ರಖ್ಯಾತ) ಮಾತನಾಡುತ್ತಾ ಸಮುದಾಯದ ಇಲ್ಲಿನ ಘಟಕವನ್ನು ಆರಂಭಿಸಿದ ಬಗೆ ಮತ್ತು ಅಂದು ದೇಶದಲ್ಲಿ ಇದ್ದ ತುರ್ತುಪರಿಸ್ಥಿತಿಯ ಸಂದರ್ಭದಲ್ಲಿ ಸಮುದಾಯದಂತಹ ಸಾಂಸ್ಕøತಿಕ ಸಂಘಟನೆಯೊಂದು ಕೆಜಿಎ¥sóïನ ರಂಗಭೂಮಿಗೆ ಅಧುನಿಕ ರಂಗಭೂಮಿಯ ಪರಿಚಯವನ್ನು ಮಾಡಿ ಕೊಟ್ಟಿದ್ದೇ ಕತ್ತಲೆ ದಾರಿ ದೂರ ನಾಟಕದ ಪ್ರದರ್ಶನದ ಮೂಲಕವೇ ಎಂಬುದು ಈಗ ಇತಿಹಾಸದ ಭಾಗವಾಗಿದೆ ಎಂದರು.00 ಇಂದು ಮಕ್ಕಳು ಶಾಲೆಯಲ್ಲಿನ ಓದು ಮತ್ತು ಗ್ಯಾಜೆಟ್‍ಲೋಕದಲ್ಲಿ ಮುಳುಗಿಹೋಗಿದ್ದಾರೆ.  ರಂಗಭೂಮಿಗೆ ಅವರನ್ನು ಕರೆತರುವ ಮೂಲಕ, ತಮ್ಮ ಸುತ್ತಲಿನ ಸಮಾಜವನ್ನು ನೋಡುವ ಬಗೆ ಮತ್ತು ಸವಾಲುಗಳನ್ನು ಎದುರಿಸಿ ಒಬ್ಬ ಪ್ರಜ್ಞಾವಂತ ನಾಗರೀಕರನ್ನಾಗಿ ಮಾಡುವಂತಹ ಜವಾಬ್ದಾರಿ ನಮ್ಮೆಲ್ಲರ ಮೇಲಿದೆ, ಆದ ಕಾರಣ ತಮ್ಮ ಮಕ್ಕಳನ್ನು ರಂಗಭೂಮಿಗೆ ಕಳುಹಿಸಿಕೊಡಿ ಎಂದು ನೆರೆದ ಎಲ್ಲಾ ಪೋಷಕರಲ್ಲಿ ವಿನಂತಿಸಿದರು.

ಇನ್ನೊಬ್ಬ ಅತಿಥಿಯಾಗಿ ಮತ್ತು ಸನ್ಮಾನವನ್ನು ಸ್ವೀಕರಿಸಿದ ಶ್ರೀ ಬಿ.ಆರ್.ಸೆಲ್ವಪಿಳ್ಳೈ (ಶೆಲ್ಲಿ ಎಂದೇ ಪ್ರಖ್ಯಾತ) ಹಿರಿಯ ರಂಗಕರ್ಮಿ ಮತ್ತು ಈ ಘಟಕದ ಮಾಜೀ ಅಧ್ಯಕ್ಷರು ಮಾತನಾಡುತ್ತಾ ನಾನೂ ಕೂಡ ಕತ್ತಲೆ ದಾರಿ ದೂರ ನಾಟಕದ ಮೂಲಕ ನಾನೊಬ್ಬ ಮನುಷ್ಯನಾಗಿದ್ದು ಹಾಗೂ ನಮ್ಮ ಸುತ್ತಲಿನ ಸಮಾಜದಲ್ಲಿ ಎಂತೆಂತಹ ಮನುಷ್ಯರು ಇದ್ದಾರೆ ಅವರನ್ನು ನಾವು ಹೇಗೆ ನೋಡಬೇಕು ಎಂದು ಕಲಿಸಿದ್ದು ಸಮುದಾಯ ಎಂದು ಹೆಮ್ಮೆಯಿಂದ ಹೇಳುತ್ತೇನೆ, ರಂಗಭೂಮಿ ಎನ್ನುವುದು ಒಂದು ಚಳುವಳಿ ಇದರ ಮೂಲಕ ನಾವು ಸಮಾಜದ ನೋವು ನಲಿವುಗಳಿಗೆ ಪ್ರತಿಸ್ಪಂದಿಸಬಹುದಾಗಿದೆ. ಇಂದು ಬೆಮೆಲ್ ಖಾಸಗೀಕರಣಕ್ಕೆ ಜಾರುತ್ತಿರುವ ಸಂದರ್ಭದಲ್ಲಿ ಬೆಂಗಳೂರಿನಲ್ಲಿ ಇತ್ತೀಚೆಗೆ ಅಂಗನವಾಡಿಯವರು ನಡೆಸಿದ ಹೋರಾಟದಂತೆ ಎಲ್ಲಾ ಬೆಮೆಲ್ ಕುಟುಂಬದವರು ಮುಖ್ಯವಾಗಿ ಮಹಿಳೆಯರು ಅನಿರ್ದಿಷ್ಟ ಹೋರಾಟವನ್ನು ರೂಪಿಸಿದರೆ ಎಂತಹ ಸರಕಾರವಾದರೂ ಕೂಡ ತಮ್ಮ ತೀರ್ಮಾನಗಳನ್ನು ಬದಲಿಸಲೇ ಬೇಕಾದಂತಹ ಅನಿವಾರ್ಯತೆ ಬರುತ್ತದೆ  ಎಂದರು. 

ಈ ಇಬ್ಬರು ಸನ್ಮಾನಿತರ ಕುರಿತು ಸಮುದಾಯ ಕರ್ನಾಟಕದ ರಾಜ್ಯ ಅಧ್ಯಕ್ಷರಾದ ಶ್ರೀ ಅಚ್ಯುತ ರವರು ಮಾತನಾಡುತ್ತಾ ಕೆಜಿಎ¥sóï ಸಮುದಾಯ ಘಟಕದ ಮಾತೃ ಸಂಸ್ಥೆಯಾಗಿದ್ದ ಕರ್ನಾಟಕ ಕಲೈ ಇಳೈಕ್ಯ ಮಂಡ್ರಮ್ ( ಕರ್ನಾಟಕ ಕಲೆ ಮತ್ತು ಸಾಹಿತ್ಯ ಮಂಡಳಿ ) ಸಮುದಾಯ ಘಟಕವಾಗಿ ರೂಪುಗೊಂಡ ಬಗೆಯನ್ನು ಹಾಗೂ ಅಂದು ತುರ್ತು ಪರಿಸ್ಥಿತಿಯ ಸಂದರ್ಭದಲ್ಲಿ ಕತ್ತಲೆ ದಾರಿ ದೂರ ನಾಟಕ ನಮ್ಮೆಲ್ಲರ ಮೇಲೆ ಬೀರಿದ ಪ್ರಭಾವವೇ ಇಂದು ಈ ಘಟಕ ಅತ್ಯಂತ ಕ್ರಿಯಾಶೀಲವಾಗಿರುವುದಕ್ಕೆ ಸಾಕ್ಷಿ. ಸಮುದಾಯ ನಡೆಸಿದ ರಾಜ್ಯವ್ಯಾಪಿ ಚಾರಿತ್ರಿಕ ಜಾತಾ ಒಂದು ಭಾಗ ಕೆಜಿಎ¥sóï ನಿಂದ ಹೊರಟಿದ್ದನ್ನು ನೆರೆದ ಎಲ್ಲಾ ರಂಗಾಸಕ್ತರಿಗೆ ನೆನಪಿಸಿದರು. ಇಂದು ಸನ್ಮಾನಿತರಾಗಿರುವ ಅತಿಥಿಗಳು ಹಾಕಿದ ಭಧ್ರ ಬುನಾದಿಯೇ ಈ ಸಮುದಾಯ ಘಟಕದ ಇಂದಿನ ಜೀವಾಳ ಎಂದರು.    

ಅತಿಥಿಗಳಾಗಿ ಭಾಗವಹಿಸಿದ್ದ ಸಮುದಾಯ ಕರ್ನಾಟಕದ ರಾಜ್ಯ ಉಪಾಧ್ಯಕ್ಷರಾದ ಶ್ರೀ ಟಿ.ಸುರೇಂದ್ರರಾವ್ ರವರು ವಿಶ್ವ ರಂಗಭೂಮಿ ದಿನಾಚರಣೆಯ ಶುಭಾóóಷಯಗಳನ್ನು ತಿಳಿಸಿದರು.

ಘಟಕದ ಅಧ್ಯಕ್ಷರಾದ ಶ್ರೀ ಜಗದೀಶ್ ನಾಯಕ ಮತ್ತು ಉಪಾಧ್ಯಕ್ಷರಾದ ಡಾ|| ವಿನೋದ್‍ಕುಮಾರ್ ರವರು ಮಾತನಾಡುತ್ತಾ ನೆರೆದ ಎಲ್ಲಾ ರಂಗಾಸಕ್ತರಿಗೆ ರಂಗಭೂಮಿಯಲ್ಲಿ ತಾವು ತೊಡಗಿಸಿಕೊಂಡ ಬಗೆಯನ್ನು ಹಾಗು ಪೋಷಕರುಗಳು ಮಕ್ಕಳು ರಂಗಭೂಮಿಗೆ ಬರುವುದಕ್ಕೆ

ಯಾವುದೇ ಅಡೆತಡೆಗಳನ್ನು ಮಾಡಬೇಡಿ ಎಂದು ವಿನಂತಿಸಿದರು.

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ್ದ ಸಮುದಾಯ-35 ಸಾಮರಸ್ಯ ಜನಸಂಸ್ಕøತಿ ಉತ್ಸವ ಸಮಿತಿಯ ಅಧ್ಯಕ್ಷರಾದ ಡಾ|| ಸಿ.ಕೃಷ್ಣಕುಮಾರ್ ರವರು ಮಾತನಾಡುತ್ತಾ ರಂಗಭೂಮಿಯ ಮೂಲಕ ನಾವು ಕಲಿಯಬೇಕಾಗಿರುವುದು ಸಾಕಷ್ಟಿದೆ, ಸಾಮಾನ್ಯ ಮನುಷ್ಯರಾಗಿದ್ದವರಿಗೆ  ಮಾನವೀಯತೆಯನ್ನು ಕಲಿಸಿಕೊಡುತ್ತದೆ.  ಸಮುದಾಯದ ಕಾರ್ಯಕ್ರಮಗಳು ಯಶಸ್ವಿಯಾಗಲಿ ಎಂದರು. 

ಈ ಕಾರ್ಯಕ್ರಮದಲ್ಲಿ ವಿಶ್ವರಂಗಭೂಮಿ ದಿನಾಚರಣೆಯ ಸಂದೇಶವನ್ನು ಈ ಬಾರಿ ಫ್ರಾನ್ಸ್ ದೇಶದ ರಂಗಭೂಮಿ ನಟಿ ಮತ್ತು ಚಲನಚಿತ್ರ ನಟಿಯಾದ ಇಸಾಬೆಲ್ಲೆ ಹಾಪರ್ಟ್  ನೀಡಿದ ಇಂಗ್ಲೀಷ್ ಭಾಷೆಯ ಸಂದೇಶವನ್ನು ಕನ್ನಡಕ್ಕೆ ಮೈಸೂರಿನ ಶ್ರೀಕಂಠ ಗುಂಡಪ್ಪ ರವರು ಅನುವಾದಿಸಿದ್ದರು. ಈ ಸಂದೇಶವನ್ನು ಕಾರ್ಯಕಾರಿ ಸಮಿತಿಯ ಶ್ರೀ ಶಶಿಧರ ರವರು ಕಾರ್ಯಕ್ರಮ ಮೊದಲಿಗೆ ವಾಚಿಸಿದರು. 

ಸ್ವಾಗತ ಶ್ರೀ ಆರ್.ಡಿ.ಅಲಿಕ್, ಪ್ರಾಸ್ತಾವಿಕ ನುಡಿ ಶ್ರೀಮತಿ ¥sóÉ್ಲೂೀರಾ, ವಂದನಾರ್ಪಣೆ ಶ್ರೀಮತಿ ಸುವi, ಆಶಯಗೀತೆ ಮತ್ತು ನಿರೂಪಣೆ ಜನಾರ್ಧನ. 

ಸಭಾ ಕಾರ್ಯಕ್ರಮದ ನಂತರದಲ್ಲಿ ಪುಟಾಣಿ ಕಲಾವಿದರಿಂದ  ಜಗದೀಶ್ ನಾಯಕ್ ನಿರ್ದೇಶನದಲ್ಲಿ ದೇಶಪ್ರೇಮಿ ಭಗತ್‍ಸಿಂಗ್ ಮತ್ತು ಕರ್ನಾಟಕ ಹಲಗಲಿ ಬೇಡರನ್ನು ಕುರಿತ ರಂಗದೃಶ್ಯಗಳನ್ನು ಪ್ರದರ್ಶಿಸಲಾಯಿತು.  ಹಲವಾರು ರಂಗಗೀತೆಗಳನ್ನು ಪ್ರಸ್ತುತಿಪಡಿಸಲಾಯಿತು. 

ಸಮುದಾಯ ಕರ್ನಾಟಕ

1975 ರಲ್ಲಿ, ತುರ್ತುಪರಿಸ್ಥಿತಿಯ ಹಿನ್ನೆಲೆಯಲ್ಲಿ ಒಂದು ರಂಗ ತಂಡವಾಗಿ ಆರಂಭಗೊಂಡ ಸಮುದಾಯ `ಕಲೆ ಕಲೆಗಾಗಿ ಅಲ್ಲ, ಜನತೆಗಾಗಿ ಕಲೆ’ ಎಂಬ ಧ್ಯೇಯ (ಘೋಷಣೆ) ಯೊಂದಿಗೆ ಜನತೆಯ ನೋವು ನಲಿವುಗಳಿಗೆ ಸ್ಪಂದಿಸುತ್ತಾ, ಬೀದಿ ನಾಟಕದ ಜಾಥಾ ಗಳನ್ನು ಕರ್ನಾಟಕದ ಉದ್ದಗಲಕ್ಕೂ ಮಾಡುತ್ತಾ ರಾಜ್ಯದಲ್ಲಿ ಪ್ರಭಾವಶಾಲಿಯಾಗಿ ಬೆಳೆದು ಬಂದಿತು. ನಂತರ ಕರ್ನಾಟಕ ರಾಜ್ಯ ಸಮುದಾಯ ಸಮನ್ವಯ ಸಮಿತಿ ಎಂಬುದಾಗಿ ರಾಜ್ಯ ಸಂಘಟನೆಯಾಗಿ ರೂಪುಗೊಂಡು ರಾಜ್ಯದ ತುಂಬ ಹಲವಾರು ಘಟಕಗಳನ್ನು ಹೊಂದಿ ರಾಜ್ಯಮಟ್ಟದ ಒಂದು ಪ್ರಗತಿಪರ ಸಾಂಸ್ಕೃತಿಕ ಸಂಘಟನೆಯಾಗಿ ಬೆಳೆದು ಬಂತು.

ಹೊಸ ಮೌಲ್ಯಗಳತ್ತ ಸಮುದಾಯ ಜಾಥಾ, ರೈತನತ್ತ ಸಮುದಾಯದ ಜಾಥಾ, ಅಣುಸಮರ ವಿರೋಧಿ ಬಣ್ಣದ ಜಾಥಾ, ಭೀಕರ ಬರದ ಎದುರು ಸಮುದಾಯದ ಜಾಥಾ ಹೀಗೆ ಹತ್ತು ಹಲವಾರು ಕಾರ್ಯಕ್ರಮಗಳ ಮೂಲಕ ಜನತೆಯ ಸಂಕಷ್ಟಗಳಿಗೆ ಸ್ಪಂದಿಸಿದ ಸಾಂಸ್ಕೃತಿಕ ಸಂಘಟನೆ ಸಮುದಾಯ ಕನ್ನಡ ಸಾಂಸ್ಕೃತಿಕ ಲೋಕವನ್ನು ನವ್ಯ ನಾಟಕಗಳು, ಜನಪರ ಹೋರಾಟ ಗೀತೆಗಳಿಂದ ಸಿಂಗರಿಸಿದೆ.

ನಾಟಕ, ಹಾಡು, ಜಾಥಾಗಳಂತಹ ಕಾರ್ಯಕ್ರಮಕ್ಕೆ ತನ್ನನ್ನು ಸೀಮಿತಗೊಳಿಸಿದ್ದ ಸಮುದಾಯ ಈಗ ತನ್ನ ಕಾರ್ಯಕ್ರಮಗಳ ತೆಕ್ಕೆಗೆ ಸಾಹಿತ್ಯ, ಚಲನಚಿತ್ರ ವನ್ನೂ ತೆಗೆದುಕೊಳ್ಳುವ ನಿಟ್ಟಿನಲ್ಲಿದೆ.

ರಾಜ್ಯಾದ್ಯಂತ 30 ಕ್ಕೂ ಹೆಚ್ಚಿನ ಘಟಕಗಳನ್ನು ಹೊಂದಿರುವ ಸಮುದಾಯ ಈಗ ಚಿತ್ರ ಸಮುದಾಯ ಹಾಗೂ ಸಾಹಿತ್ಯ ಸಮುದಾಯ ದ ಅಡಿಯಲ್ಲಿ ಕೆಲವು ಹೊಸ ಘಟಕಗಳನ್ನೂ ಹುಟ್ಟು ಹಾಕಿದೆ.

 ಸಮುದಾಯ ಕ್ಕೆ 40 ವರ್ಷಗಳು ತುಂಬಿವೆ. ಸಮೂಹದ ಆಶಯಗಳನ್ನು ಆಕೃತಿಗೊಳಿಸುತ್ತ, ಕಾಲದ ಕರೆಗೆ ಓಗೊಡುತ್ತ ಸಾಗಿಬಂದ ಪ್ರಗತಿಪರ ಸಂಘಟನೆ ಇದು. ರಂಗಪ್ರಯೋಗ, ವಿಚಾರಸಂಕಿರಣಗಳು, ಜಾಥಾಗಳು ಮುಂತಾದ ಚಟುವಟಿಕೆಗಳನ್ನು ನಿರಂತರವಾಗಿ ನಡೆಸಿಕೊಂಡುಬಂದ ‘ಸಮುದಾಯ’ ಈಗ ಸಾಹಿತ್ಯಸಮುದಾಯ, ರಂಗಸಮುದಾಯ, ಚಿತ್ರಸಮುದಾಯ ಹೀಗೆ ಸೌಂದರ್ಯಶಾಸ್ತ್ರದ ಹಲವು ಭೂಮಿಕೆಗಳಲ್ಲಿ ಸಮಾಜದ ಗತಿಬಿಂಬವಾಗಿ ಮುಂದುವರಿಯುತ್ತಿದೆ.

ಎಲ್ಲಿಂದ ಬಂದಿರೆಂದು ಕೇಳಬಹುದು ನೀವು

ಜನರ ನಡುವಿನಿಂದ ಎಂದು ಹೇಳುತೇವೆ ನಾವು

ಮತ್ತೆ ಪಯಣ ಎಲ್ಲಿಗೆಂದು ಕೇಳಬಹುದು ನೀವು=

ತಿರುಗಿ ಮತ್ತೆ ಜನರ ನಡುವೆ ಹೋಗುತೇವೆ ನಾವು

 ಈ ಬ್ಲಾಗ್ ನ ಮೂಲಕ ಜನತೆಯ ಜತೆಗೆ ತನ್ನ ಚಟುವಟಿಕೆಯನ್ನು ಹಂಚಿಕೊಂಡು ಸಂವಾದ ನಡೆಸಲು `ಸಮುದಾಯ’ ಸಾಂಸ್ಕೃತಿಕ ಸಂಘಟನೆ ಬಯಸಿದೆ

ಸಮುದಾಯ ರೆಪರ್ಟರಿಯ ಕಾವ್ಯರಂಗ-ಸಾಹಿತ್ಯದ ರಂಗ ಓದು

ಯುವಕರ ದನಿ ಕರ್ಕಶವಾಗುತ್ತಿರುವ ಈ ಹೊತ್ತಲ್ಲಿ ಅವರ ದೇಹಭಾಷೆಗೆ ಕಾವ್ಯದ ಸಾಹಚರ್ಯವನ್ನು ಒದಗಿಸುವ ಸಾಮಾಜಿಕ ಉದ್ಧೇಶದಿಂದ ಕಾವ್ಯರಂಗ ಎಂಬ ರಂಗಪ್ರಯೋಗವನ್ನು ಸಮುದಾಯ ರೆಪರ್ಟರಿ ತನ್ನ ತಿರುಗಾಟದಲ್ಲಿ ಆಡುತ್ತಿದೆ. ಶಾಸನ ಪದ್ಯಗಳಿಂದ ಹಿಡಿದು ಇದುವರೆಗಿನ ಕಾವ್ಯ ಕಥನಗಳ ಆಯ್ದ ತುಣುಕಗಳನ್ನು ಸಂಬಂಧ ಪರಿಕಲ್ಪನೆಯಾಧಾರದಲ್ಲಿ ಇಲ್ಲಿ ಹೆಣೆಯಲಾಗಿದೆ. ರಂಗಭೂಮಿಯ ಈ ಸುಂದರ ಕೋಲಾಜ್‍ನಲ್ಲಿ ಕನ್ನಡದ ಲೋಕಗ್ರಹಿಕೆ , ಕನ್ನಡದ ವಿವೇಕವನ್ನು ರಂಗಾಭಿವ್ಯಕ್ತಿಯ ಮೂಲಕ ಮರುನಿರೂಪಿಸಲಾಗಿದೆ. ಈ ರಂಗಾಭಿವ್ಯಕ್ತಿ ಅಥವಾ ಕಾವ್ಯದ ರಂಗ ಓದಿನಲ್ಲಿ ಸಮುದಾಯ ರೆಪರ್ಟರಿಯ ನಟ-ನಟಿಯರು ಕಾವ್ಯ, ಕಥನಗಳನ್ನು ಆಡುತ್ತಾರೆ, ಹಾಡುತ್ತಾರೆ ಕೆಲವನ್ನು ಅಭಿನಯಿಸುತ್ತಾರೆ. ಎಪ್ಪತ್ತೈದು ನಿಮಿಷಗಳ ಈ ಪ್ರಸ್ತುತಿಯಲ್ಲಿ ಮೂವತ್ತೊಂದು ಸಾಹಿತ್ಯಿಕ ಬರೆಹಗಳನ್ನು ರಂಗದ ಮೇಲೆ ತರಲಾಗಿದೆ. ಸಾಹಿತ್ಯ ಓದಿಗೆ ಹೊಸದಾಗಿ ಪ್ರವೇಶಿಸುತ್ತಿರುವವರಿಗೂ, ಗಂಭೀರ ಓದಿನ ವಿದ್ಯಾರ್ಥಿಗಳಿಗೂ ಸಾಹಿತ್ಯ ಕೃತಿಯೊಂದರ ಆಶಯಗಳನ್ನು ಗ್ರಹಿಸಲು ಸೂಕ್ತ ಒಳನೋಟಗಳನ್ನು ಒದಗಿಸುವ ಶೈಕ್ಷಣಿಕ ಉದ್ಧೇಶವನ್ನೂ ಈ ಪ್ರಸ್ತುತಿ ಹೊಂದಿದೆ.

  ಕವಿ ಶಿವರುದ್ರಪ್ಪನವರ ಹಣತೆ ಹಚ್ಚುತ್ತೇವೆ ನಾವು… ಎಂಬ ಪದ್ಯದಿಂದ ಆರಂಭವಾಗುವ ಈ ಕಾವ್ಯರಂಗ ಪ್ರಯೋಗವು ಕನ್ನಡ ನಾಡು-ನುಡಿ ರೂಪಿಸಿಕೊಂಡು ಬಂದ ಸಂಬಂಧಗಳನ್ನು ಹೆಣೆಯುವ ಕವಿರಾಜ ಮಾರ್ಗದಿಂದ ಮತ್ತೂ ದೂರದ ಬನವಾಸಿಯ ಕುರಿತು ಆದಿ ಕವಿ ಪಂಪ ಹೇಳುವ `ಚಾಗದ ಭೋಗದಕ್ಕರದ.. “ ಸಾಲುಗಳವರೆಗೆ ಹರಡಿಕೊಳ್ಳುತ್ತದೆ. ಮನುಷ್ಯರ ನಡುವಿನ ಜಾತಿಸೂತಕ, ಕರ್ಮಸೂತಕಗಳನ್ನು ತನ್ನ ಅನನ್ಯ ನುಡಿವೈಭವದಲ್ಲಿ ವಿಲೀನಗೊಳಿಸುವ ಶರಣಪರಂಪರೆಯನ್ನು ನೆನೆಯುತ್ತದೆ. ಹೀಗೆ, ಕುವೆಂಪುವವರ ರಾಮಾಯಣ ದರ್ಶನಂ ನ ವೈಚಾರಿಕ ನೆಲೆಗಟ್ಟು, ಕಾರಂತರ ಚೋಮ ಪ್ರತಿನಿಧಿಸುವ ಜಗತ್ತನ್ನು ನಮ್ಮೆದುರು ತಂದು ನಿಲ್ಲಿಸುತ್ತದೆ.ಬೇಂದ್ರೆಯವರ ``ಭ್ರ0ಗದ ಬೆನ್ನೇರಿ ಬಂತು.. “ ಕವಿತೆಯ ಮೂಲಕ ಪೃಕೃತಿಯ ಸೌಂದರ್ಯಶಾಸ್ತ್ರವನ್ನು ಓದಿಗಿಂತಲೂ ಮಿಗಿಲಾದ ಅನುಭವಗಳ ಮೂಲಕ ತಲುಪಿಸುತ್ತದೆ. ವರ್ಗ ಅಸಮಾನತೆ, ಧರ್ಮದ ಹೆಸರಲ್ಲಿ ನಡೆಯುವ ಢೋಂಗಿ ರಾಜಕಾರಣಗಳನ್ನು ತತ್ವ ಪದಗಳು ಮತ್ತು ಜನಪದ ಕಥನಗಳ ಮೂಲಕ ಬೆತ್ತಲುಗೊಳಿಸುತ್ತದೆ.  ಪ್ರತಿಭಾ ನಂದಕುಮಾರ್ ಮತ್ತು ವೈದೇಹಿಯವರ ಕವಿತೆಗಳು ಹೆಣ್ಣಿನ ಘನವಾದ ಬದುಕು ಮತ್ತು ಆ ಬದುಕನ್ನು ಕಾಡುವ ಗಂಡಸು ರೂಪಿಸಿದ ಮೌಲ್ಯಗಳ ಇನ್ನೊಂದು ಮುಖವನ್ನು ಅನಾವರಣಗೊಳಿಸುತ್ತದೆ. ದೇವನೂರರ ಒಡಲಾಳ,  ಸಿದ್ದಲಿಂಗಯ್ಯನವರ ನೆನ್ನೆ ದಿನ ನನ್ನ ಜನ ಕವಿತೆಗಳು ಇಂದಿಗೂ ಮುಂದುವರೆದಿರುವ ಜಾತಿ ಅಸಮಾನತೆಗಳನ್ನು ಹೇಳುತ್ತವೆ. ಕೊನೆಗೆ ಕವಿ ಎಕ್ಕುಂಡಿಯವರ ಮೂಡಲ ದೀಪದೊಂದಿಗೆ ಕಾವ್ಯರಂಗ ಮುಕ್ತಾಯಗೊಳ್ಳುತ್ತದೆ.

   ಕನ್ನಡ ಸಾಹಿತ್ಯದ ಅನಘ್ರ್ಯ ರತ್ನಗಳನ್ನು ಪೋಣಿಸಿ ರಂಗಪಠ್ಯವನ್ನು ಸಜ್ಜುಗೊಳಿಸಿದವರು ವಿಮರ್ಶಕ ಡಾ. ಎಂ. ಈ. ಹೆಗಡೆಯವರು. ಡಾ. ಶ್ರೀಪಾದ ಭಟ್ ಅವರು ತಮ್ಮದೇ ಪರಿಕಲ್ಪನೆಯ ಈ ಪ್ರಯೋಗವನ್ನು ಸಮುದಾಯ ರೆಪರ್ಟರಿಗಾಗಿ ನಿಒರ್ದೇಶಿಸಿದ್ದಾರೆ. ಸಹನಿರ್ದೇಶನ ಸೂರಜ್ ಬಿ. ಆರ್ ಅವರದು. ಸುಂದರ ರಂಗ ಸಜ್ಜಿಕೆಯನ್ನು ರೂಪಿಸಿದವರು ಚಿಂತನದ ದಾಮೋದರ ನಾಯ್ಕ. ರಂಗದ ಮೇಲೆ ರಂಜಿತಾ ಜಾದವ, ಶರತಿ ತಿಪಟೂರು, ಧೀರಜ್, ಯಲ್ಲಪ್ಪ ಗಾಣಗೇರ, ಚಿದಂಬರ ಕುಲಕರ್ಣಿ, ವಿನಾಯಕ ಈಲಗೇರ, ಬಸವರಾಜ ಕಮ್ಮಾರ, ಕುಮಾರ ಬದಾಮಿ, ಚಂದ್ರಶೇಖರ ಕಿಲ್ಲೇಹಾರ, ಪ್ರಮೋದ, ಶಿವಕುಮಾರ ಅಭಿನಯಿಸಿದ್ದಾರೆ.
   ನಿಮ್ಮ ಊರಿಗೂ ಸಮುದಾಯ ರೆಪರ್ಟರಿಯ ಬಿಡುಗಡೆಯ ರಂಗಸಂಚಾರ ಬರಲಿದೆ. ಕಾವ್ಯದ ರಂಗ ಓದಿಗೆ ಸಜ್ಜಾಗಿ.

ನಟರಾಜ ಹುಳಿಯಾರ್ ಕಾವ್ಯರಂಗದ ಕುರಿತು… ಕ್ಲಿಕ್ ಮಾಡಿ

http://samudayakarnataka.blogspot.in/2017/02/kavyaranga_24.html

ಸಮುದಾಯ ರೆಪರ್ಟರಿಯ ಕಾವ್ಯರಂಗ

ಉಡುಪಿಯಲ್ಲಿ ವೈಜ್ಞಾನಿಕ ಮನೋಭಾವ ಕುರಿತು ಕಾರ್ಯಾಗಾರ

ವೈಜ್ಷಾನಿಕ ಮನೋಭಾವವನ್ನು ಬೆಳೆಸುವ ಉದ್ಧೇಶದಿಂದ ಒಂದು ದಿನದ ಕಾರ್ಯಾಗಾರವನ್ನು ಹಮ್ಮಿಕೊಳ್ಳಲಾಗಿದೆ. ಖ್ಯಾತ ವಿಚಾರವಾದಿಗಳಾದ ಶ್ರೀ ನರೇಂದ್ರ ನಾಯಕ ರವರು ಸಂಪನ್ಮೂಲ ವ್ಯಕ್ತಿಗಳಾಗಿ ಆಗಮಿಸುವರು. ಸಂವಾದ, ಉಪನ್ಯಾಸ, ಪ್ರಾತ್ಯಕ್ಷಿಕೆ ಮತ್ತು ದೃಶ್ಯ-ಶ್ರವಣ ಮಾಧ್ಯಮಗಳ ಬಳಕೆಯ ಮೂಲಕ ನಡೆಯುವ ಈ ಕಾರ್ಯಕ್ರಮದಲ್ಲಿ ಉಡುಪಿ ಜಿಲ್ಲೆಯ ಆಸಕ್ತರು ಭಾಗವಹಿಸಬಹುದಾಗಿದೆ.

ದಿನಾಂಕ: 12 ಮಾರ್ಚ್ 2017, ರವಿವಾರ ಪೂ 10.00 ರಿಂದ ಸಂಜೆ 5.00

ಸ್ಥಳ: ಕಮಲಾ ಬಾಳಿಗಾ ಸಭಾಭವನ, ಡಾ. ಏ.ವಿ ಭಾಳಿಗಾ ಆಸ್ಪತ್ರೆಯ ಮೇಲೆ. ವಿ ಎಮ್ ನಗರ, ದೊಡ್ಡನಗುಡ್ಡೆ , ಉಡುಪಿ.

ಸೀಮಿತ ಪ್ರವೇಶಾವಕಾಶವಿರುವುದರಿಂದ ಮುಂಚಿತವಾಗಿ ಹೆಸರು ನೋಂದಾಯಿಸಿ. ಭಾಗವಹಿಸುವಿಕೆಯನ್ನು ಖಾತರಿಪಡಿಸಿ.

ಭಾಗವಹಿಸುವವರು ತಮ್ಮ ವಿವರಗಳನ್ನು Narendra Nayak ಅವರ Inbox ನಲ್ಲಿ ನೀಡಲು ವಿನಂತಿಸಿದೆ.

ಭಾಗವಹಿಸಲಿಚ್ಛಿಸುವ ಕುಂದಾಪುರ ತಾಲೂಕಿನ ಸ್ನೇಹಿತರು Uday Gaonkar ಅವರನ್ನು 9481509699 ನಲ್ಲಿ ಸಂಪರ್ಕಿಸಲು ಕೋರಿದೆ.

The one day workshop on development of scientific temper for Udupi district is on the 12th March, Sunday from 10 am to 5pm. at Kamala Baliga Hall above A.v.baliga memorial hospital vm nagar, doddanagudde udupi 576102. Medium of communication is Kannada. The course contents are lectures, videos, demosntrations and Q-A sessions.

Participation by prior registration only and number of seats are limited. Those willing to participate can please inbox me with all details.

ವರ್ಣಾಂಜಲಿ

ಅಪಘಾತದಿಂದಾಗಿ ನಮ್ಮನ್ನಗಲಿದ ಕಲಾವಿದ ಭೋಜುಹಾಂಡ ಒಬ್ವ ಶ್ರೇಷ್ಟ ಶಿಕ್ಷಕರಾಗಿದ್ದರು. ಸ್ವತಃ ಉತ್ತಮ ಕಲಾವಿದರಾಗಿದ್ದರೂ ತಮ್ಮ ಪ್ರತಿಭೆಯನ್ನು ಎಳೆಯ ಮಕ್ಕಳ ಸ್ರಜನಶೀಲತೆಯನ್ನು ಬೆಳಕಿಗೆ ತರುವಲ್ಲಿಯೇ ಧಾರೆಯೆರೆದ ಅವರ ನೆನಪುಗಳು ನಮ್ಮ ಮನದಾಳದಲ್ಲಿ ಸದಾ ಹಸಿರು. ಭೋಜುಹಾಂಡರಿಂದ ಸ್ಪೂರ್ತಿ ಪಡೆದು, ಕಲೆಯ ಪಟ್ಟುಗಳನ್ನು ಕಲಿತು ತಮ್ಮ ಬದುಕಿನಲ್ಲಿ ಬಣ್ಣಗಳಿಗೂ ಜಾಗ ನೀಡಿದ ಅವರ ಸಾವಿರಾರು ವಿದ್ಯಾರ್ಥಿಗಳು ನಾಡಿನ ತುಂಬಾ ಮತ್ತೆ ಮತ್ತೆ ಹಣತೆಗಳನ್ನು ಹಚ್ಛುತ್ತಾ ಭೋಜುಹಾಂಡರನ್ನು ಜೀವಂತವಾಗಿರಿಸಿದ್ದಾರೆ. ‌
ಕುಂದಾಪುರ ಸಮುದಾಯವು ಪ್ರತಿ ಬೇಸಗೆಯಲ್ಲಿ ನಡೆಸುವ ರಂಗ ರಂಗು ರಜಾಮೇಳದಲ್ಲಿ ಭೋಜುಹಾಂಡರು ಅವಕಾಶ ವಂಚಿತರಾದ ಮಕ್ಕಳ ಕೈಗೆ ಕುಂಚ ನೀಡಿ ಕೃಥಾರ್ತರಾಗುತ್ತಿದ್ದರು. ಸಮುದಾಯದ ಜೀವಪ್ರೀತಿಯ ಕೆಲಸಗಳಲ್ಲಿ ಅವರು ಸದಾ ಜೊತೆಯಾಗುತಿದ್ದರು.
ಅವರ ನೆನಪಲ್ಲಿ ಈ ರವಿವಾರ, ಪೂರ್ವಾಹ್ನ 10ಕ್ಕೆ (19/2/2017) ಅವರು ಪ್ರತಿವಾರವೂ ತರಗತಿ ನಡೆಸುತ್ತಿದ್ದ ವಡೇರಹೋಬಳಿ ಹೈಸ್ಕೂಲಿನ ಸಭಾಭವನದಲ್ಲಿ ಜಲವರ್ಣ ಪ್ರಾತ್ಯಕ್ಷಿಕೆ ಕಾರ್ಯಕ್ರಮವಿದೆ. ಚಿತ್ರಕಲಾ ಶಿಕ್ಷಕರು ಸಮುದಾಯದ ಜೊತೆಯಲ್ಲಿ ಭೋಜುಹಾಂಡರಿಗೆ ಅರ್ಪಿಸುವ ವರ್ಣಾಂಜಲಿ ಇದು. ನೀವೂ ಜೊತೆಗೂಡಿ ಎಂಬುದು ನಮ್ಮ ಪ್ರೀತಿಯ ಒತ್ತಾಯ.

 

ಕನ್ನಡದ ಕಾವ್ಯ ಪರಂಪರಯನ್ನು ಕಾಲೇಜ ವಿಧ್ಯಾರ್ಥಿಗಳ ಮುಂದೆ ಬಿಚ್ಚಿಡುವ ಸಮುದಾಯದ ಕಾವ್ಯ ರಂಗ ತಿರುಗಾಟ

ಯುವಕರದನಿ ಇಂದು ಕರ್ಕಶವಾಗುತ್ತಿರುವ ಹೊತ್ತಿನಲ್ಲಿ ಅವರ ದೇಹಕ್ಕೆ ಕಾವ್ಯದ ಸಾಹಚರ್ಯ ಒದಗಿಸುವ ಸಾಮಾಜಿಕ ಉದ್ದೇಶದಿಂದ ಶಾಸನ ಪದ್ಯಗಳಿಂದ ಹಿಡಿದು ಇದುವರೆಗಿನ ಕಾವ್ಯ ಕಥನಗಳ ಆಯ್ದ ಬರಹಗಳ ತುಣುಕನ್ನು ಸಂಬಂಧಗಳ ಪರಿಕಲ್ಪನೆಯಾಧಾರದಲ್ಲಿ ಹೆಣೆದು ಕಾವ್ಯರಂಗ ರೂಪಕವಾಗಿಸಲಾಗಿದೆ. ಕನ್ನಡದ ಲೋಕಗೃಹಿಕೆ, ಕನ್ನಡದ ವಿವೇಕ ಇವನ್ನು ಇಂದಿನ ಯುವಕರಿಗಾಗಿ ಮರುನಿರೂಪಿಸುವ ಒಂದು ಪ್ರಯತ್ನ ಭಾಗವಾಗಿ ಸಮುದಾಯದ ನಟ ನಟಿಯರು ಈ ಕಾವ್ಯಗಳನ್ನು ಆಡುತ್ತಾರೆ, ಹಾಡುತ್ತಾರೆ,ಕೆಲವನ್ನು ಅಭಿನುಸುತ್ತಾರೆ.  ಒಂದೂವರೆಗಂಟೆ ಕಾಲ ಸುಮಾರು 31 ಸಾಹಿತ್ಯಿಕ ಬರಹವನ್ನು ಇಲ್ಲಿ ರಂಗಕ್ಕೆತರಲಾಗಿದೆ. ಸಾಹಿತ್ಯ ಕಥನಗಳ ರಂಗ ಓದು ಇದು. ವಿದ್ಯಾರ್ಥಿಗಳಿಗೂ, ಅಧ್ಯಾಪಕರಿಗೂ ಅನುಕೂಲವಾಗುವುದೆಂಬ ಶೈಕ್ಷಣಿಕ ಉದ್ದೇಶವಿದೆ.

     ಹಣತೆ ಹಚ್ಚುತ್ತೆವೆ ನಾವು ಕತ್ತಲನ್ನು ಗೆಲ್ಲುತ್ತೆನೆಂಬ ಜಿದ್ದಿನಿಂದಲ್ಲ ಇರುವಷ್ಟು ಹೊತ್ತು ನಿಮ್ಮ ಮುಖ ನಾವು ನನ್ನ ಮುಖ ನೀವು ನೋಡಬಹುದೆಂಬ ಆಶೆಯಿಂದ ಎಂಬ ಜಿಎಸ್‍ಎಸ್ ರ ಪದ್ಯದಿಂದ ಆರಂಬವಾಗುವ ಈ ಕಾವ್ಯರಂಗ ಕನ್ನಡ ನಾಡು ರೂಪಿಸಿಕೊಂಡ ಬಂದ ಸಂಬಂದಗಳ ಜಾಲವನ್ನು ಹೆಣೆಯುವ ಕೆಲವು ನುಡಿಗಳನ್ನು ಕವಿರಾಜ ಮಾರ್ಗದಿಂದ ಮತ್ತು ದೂರದ ಬನವಾಸಿ ಕುರಿತು ಪಂಪನು ಹೇಳುವ ಚಾಗದ ಭೋಗದ ಸಾಲುಗಳನ್ನು ಒಳಗೊಂಡು  ಮನುಷ್ಯರಲ್ಲಿರುವ ಜಾತಿಸೂತಕ, ಕರ್ಮಸೂತಕವನ್ನು ಕಿತ್ತಿ ಅವರೆಲ್ಲರನ್ನು ಒಂದುಮಾಡಲು ಹೋರಟ ಶರಣ ಪರಂಪರೆಯನ್ನು ನೆನೆಯುತ್ತಾ  ಕುವೆಂಪುರವರ ರಾಮಾಯಣ ದರ್ಶನಂ ಹಾಗೂ ಶಿವರಾಮ ಕಾರಂತರ ಚೋಮ ಹಾಗೂ ಪ್ರಕೃತಿ ಸಂಬಂದಗಳ ಕಲ್ಪನಾ ಸ್ವರೂಪ ಸಾರವು ಬೇಂದ್ರೆಯವರ ಬೃಂಗದ ಬೆನ್ನೇರಿ ಬಂತು ಹಾಗೂ ವರ್ಗಅಸಮಾನತೆ, ಧರ್ಮದ ಹೆಸರಿನಲ್ಲಿ ನಡೆಯುವ ಡೊಂಗಿತನ ಸಾರುವ  ಜಾನಪದ ಹಾಗೂ ತತ್ವಪದದ ಕೇಲವು ಸಾಲುಗಳನ್ನು ಧ್ವನಿಪೂರ್ವಕವಾಗಿ ಇಲ್ಲಿ ನಿರೂಪಿಸಲಾಗಿದೆ. ಸ್ತ್ರೀ ಸಂಬಂದಗಳ ಕುರಿತು ಹೇಳುವ ಪ್ರತಿಭಾ ನಂದಕುಮಾರ ಹಾಗೂ ವೈದೇಹಿಯವರ ಕವನದ ಸಾಲುಗಳು ಇಲ್ಲಿ ಹೆಣ್ಣಿಣ ಶೋಷಣೆಯ ಮುಖಗಳನ್ನು ಅನಾವರಣ ಮಾಡಿದೆ. ದೇವನೂರರ ಒಡಲಾಳ ಸಿದ್ದಲಿಂಗಯ್ಯನವರ ನೆನ್ನೆ ದಿನ ನನ್ನ ಜನ  ಕವನಗಳು ಇವತ್ತೀನ ಶೋಷಣೆಯನ್ನು ಸಾರುತ್ತವೆ. ಕೊನೇಗೆ ಸು,ರಂ ಎಕ್ಕುಂಡಿಯವರ ಮೂಡಲ ದೀಪದೋಂದಿಗೆ ಕಾವ್ಯರಂಗ ಮುಕ್ತಾಯವಾಗುತ್ತದೆ. ಒಟ್ಟಾರೆಯಾಗಿ ಕಾವ್ಯರಂಗ ಕಾಲೇಜಿನ ವಿದ್ಯಾರ್ಥಿಗಳಿಗೆ ಹಾಗು ಉಪನ್ನಾಸಕರಿಗೆ ಮೆಚ್ಚಿಗೆಯಾಗುವ ರೀತಿಯಲ್ಲಿ ನಮ್ಮ ಕಾಲಾವಿದರಾದ ರಂಜಿತಾ ಜಾಧವ.ರೇಶ್ಮಾ ತಿಪಟೂರ. ಧೀರಜ್, ಯಲ್ಲಪ್ಪ ಗಾಣಗೇರ, ಚಿದಂಬರ ಕುಲಕರ್ಣಿ, ಮಹಾಂತೇಶ ದೊಡ್ಡಮನಿ, ಪ್ರಶಾಂತ, ವಿನಾಯಕ ಈಳಗೇರ , ಬಸವರಾಜ ಕಮ್ಮಾರ, ಕುಮಾರ ಬದಾಮಿ, ಚಂದ್ರು ಕಿಲ್ಲೇದಾರ, ಪ್ರಶಾಂತ ಒಳಗೊಂಡ 13 ಜನರ ಕಲಾತಂಡ ಎಲ್ಲರನ್ನು ಮಂತ್ರಮುಗ್ದರನ್ನಾಗಿಸುವ ಹಾಗೆ ಅಭಿನಯಿಸಿದರು. ಈ ಕಾವ್ಯ ರಂಗ ಯಶಸ್ವಿ ಹಿಂದೆ ನಿರ್ದೇಕರಾದ ಡಾ.ಶ್ರೀಪಾಧ ಬಟ್ ಹಾಗೂ ರಂಗಪಠ್ಯ ಸಿದ್ದಪಡಿಸಿದ ಡಾ.ಎಂ.ಜಿ ಹೆಗಡೆ ಯವರ ಶ್ರಮವಿದೆ. ಇವರೆಲ್ಲರ ಶ್ರಮ ಸಾರ್ಥಕಗೊಂಡದ್ದು ಈ ಸಮುದಾಯದ ಕಾವ್ಯರಂಗ ತಿರುಗಾಟದಿಂದ.

  ಈ ಕಾವ್ಯರಂಗ ಹಾವೇರಿ ಜಿಲ್ಲೆಯ ಶೇಷಗಿರಿಯಲ್ಲಿ 21-01-2017 ರಿಂದ 15 ದಿನಗಳ ಕಾಲ ಡಾ.ಶ್ರೀಪಾದ ಭಟ್ ರವರ ನಿರ್ದೇಶನದಲ್ಲಿ ತರಬೇತಿ ಹೊಂದಿ, ದಿನಾಂಕ; 03-02-2017 ರಂದು ಧಾರವಾಡದ ಕನ್ನಡ ಸಾಹಿತ್ಯಭವನದಲ್ಲಿ ಚಿದಂಬರರಾವ ಜಂಭೆಯವರಿಂದ ಯದ್ಘಾಟನೆಗೊಂಡು ಧಾರವಾಡ,ಬೆಳಗಾಂ,ಗದಗ ಜಿಲ್ಲೆಗಳ ಕಾಲೇಜುಗಳಲ್ಲಿ ಪ್ರದರ್ಶನ ನೀಡಿತ್ತಿದೆ.
ರಂಗ ಪಠ್ಯ: ಡಾ.ಎಂ.ಜಿ.ಹೆಗಡೆ; ವಿನ್ಯಾಸ: ದಾಮೋದರ ನಾಯ್ಕ, ಹೊನ್ನಾವರ; ನಿರ್ದೇಶನ: ಡಾ.ಶ್ರೀಪಾದ ಭಟ್ ಸಹ ನಿರ್ದೇಶನ;